Almaniya kansleri İsrailə səfər edəcək
Almaniya kansleri Olaf Şolts yaxın günlərdə İsrailə səfər edəcək.
meqale.com Trend-ə istinadən bildirir ki, bu barədə Almaniyanın "Bild" nəşri məlumat yayıb.
O.Şoltsun İsrailə həmrəylik səfəri edəcəyini deyən nəşrin məlumatına görə, səfər oktyabrın 17-də baş tuta bilər.
Qeyd edək ki, bu yaxında Almaniyanın xarici işlər naziri Annalena Berbok da İsrailə səfər edərək bir sıra hökumət rəsmiləri ilə, o cümlədən, HƏMAS qurbanlarının və HƏMAS tərəfindən əsir götürülən şəxslərin ailələri ilə görüşüb.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Son məlumatlara görə, 1 300 nəfər ölüb, 3 300 nəfər yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.