Partlayış baş verən ev tanınmış idmançının ailəsinin imiş - Yenilənib - FOTO

09:13

Partlayış baş verən ev tanınmış idmançının ailəsinin imiş - Yenilənib - FOTO
09:13

Xəbər verdiyimiz kimi, Abşeron rayonu, Novxanı bağlarında fərdi yaşayış evində partlayış olub.

Abşeronda partlayış baş verən ev mərhum şahmatçının ailəsinə məxsus imiş.

meqale.com xəbər verir ki, dağıntılar altından çıxarılan qadınla kişi mərhum şahmatçı Vüqar Həşimovun valideynləri olub.

-------- 08:59 Fövqəladə Hallar Nazirliyinin xilasediciləri tərəfindən həyata keçirilən operativ axtarış-xilasetmə əməliyyatı sayəsində Abşeron rayonu, Novxanı kəndində dağıntılar altından 2-ci vətəndaş sağ çıxarılaraq xilas edilib.

Əlavə məlumat veriləcək.

-------- 08:52 Abşeron rayonu, Novxanı bağlarında fərdi yaşayış evində partlayış olub.

APA xəbər verir ki, dağıntılar altında qalanlar FHN-in Dövlət Yanğından Mühafizə və Xüsusi Riskli Xilasetmə xidmətlərinin əməkdaşları tərəfindən xilas edilir.

Məlumata görə evdə 2 nəfər olub. Onlardan biri xilasedicilər tərəfindən evdən çıxarılıb. Digər şəxsin isə axtarışı davam edir.

---------- 08:41 Fövqəladə Hallar Nazirliyinin "112" qaynar telefon xəttinə Abşeron rayonu, Novxanı kəndində fərdi yaşayış evində partlayış baş verməsi barədə məlumat daxil olub.