Astarada meyvə bağına görə oğlunu öldürən ata həbs edildi - YENİLƏNİB

Astarada oğlunu güllələyən ata həbs edilib.

DİN-in Mətbuat Xidmətinin Lənkəran regional qrupundan meqale.com-a bildirilib ki, şəxsi münasibətlər zəminində oğlu Tural Hüseynova ov silahı ilə xəsarət yetirməkdə şübhəli bilinən Ağaşir Hüseynov polis əməkdaşlarının keçirdikləri tədbirlərlə saxlanılaraq istintaqa təhvil verilib.

Araşdırmalar davam etdirilir.

---------

20.10.2024 Astarada ata oğluna ov tüfəngi ilə atəş açıb.

meqale.com qafqazinfo-ya istinadən xəbər verir ki, hadisə rayonun Sığaloni kəndi ərazisində baş verib.

Belə ki, Ağaşir Hüseynov oğlu 1991-ci il təvəllüdlü Tural Ağaşir oğlu Hüseynova ov tüfəngi ilə atəş açıb.

Lənkəran Rayon Mərkəzi Xəstəxanasına hospitalizasiya olunan T.Hüseynov cərrahiyyə şöbəsinin əməliyyat blokuna alınıb.

İlkin məlumata görə, ata və oğul arasında mübahisə sitrus meyvə bağı üstündə yaranıb.

Astara Rayon Polis Şöbəsinin əməkdaşları tərəfindən cinayət əməlini törədənin şəxsiyyəti müəyyən edilib və hazırda saxlanılması istiqamətində tədbirlər davam etdirilir.

------------ 21:18 Astarada 33 yaşlı kişi güllələnib, atası şübhəli bilinir.

meqale.com report-a istinadən xəbər verir ki, hadisə Sığaloni kəndində qeydə alınıb.

Belə ki, aralarında baş verən mübahisə zəminində Ağaşir Hüseynov oğlu 33 yaşlı Tural Hüseynova ov tüfəngindən atəş açıb.

T.Hüseynov Lənkəran Rayon Mərkəzi Xəstəxanasına çatdırılıb. Yaralı cərrahiyyə əməliyyatına alınıb.

Hadisəni törətməkdə təqsirli bilinən Ağaşir Hüseynovun saxlanılması və istintaqa cəlb edilməsi istiqamətində əməliyyat tədbirləri keçirilir.