Gimnastlarımız “AGF Trophy” beynəlxalq turnirində medallar qazandı

Bakıda keçirilən idman gimnastika üzrə "AGF Trophy" beynəlxalq turnirində medal qazanan azərbaycanlı idmançılar mükafatlandırılıb.

Gimnastlarımız “AGF Trophy” beynəlxalq turnirində medallar qazandı
Bakıda keçirilən idman gimnastika üzrə "AGF Trophy" beynəlxalq turnirində medal qazanan azərbaycanlı idmançılar mükafatlandırılıb.

meqale.com Trend-ə istinadən xəbər verir ki, böyüklər arasında mübarizə aparan gimnastlarımız ayrı-ayrı alətlər üzrə hərəkətlərdə medallara layiq görülüblər.

Azərbaycan millisinin üzvləri Nikita Simonov halqalarda qızıl, İvan Tixonov paralel qollarda qızıl, halqalarda bürünc, Rəsul Əhmədzadə sərbəst hərəkətlərdə qızıl, paralel qollarda bürünc, Nazənin Teymurova dayaqlı tullanmada qızıl, müxtəlif hündürlüklü qollarda bürünc, Murad Ağarzayev isə sərbəst hərəkətlərdə gümüş medal qazanıb.

Qeyd edək ki, idman gimnastikası üzrə "AGF Trophy" beynəlxalq turniri Milli Gimnastika Arenasında 15-17 mart tarixləri arasında keçirilir. Yarışlarda Azərbaycan, Qazaxıstan, Ukrayna, Özbəkistan və Gürcüstanı təmsil edən 90-a yaxın idmançı iştirak edir.