Qara dənizdə "Virat" tankerinə yenidən hücum olub - YENİLƏNİB - FOTO

Qambiya bayrağı altında üzən "Virat" tankeri Türkiyə sahilləri yaxınlığında yenidən pilotsuz aparatların hücumuna məruz qalıb.

meqale.com APA-ya istinadla xəbər verir ki, bu barədə NTV telekanalı öz mənbələrinə istinadən məlumat yayıb.

Bundan əvvəl məlumat verilmişdi ki, cümə günü axşam saatlarında pilotsuz uçuz aparatlarının hücumu nəticəsində tankerdə yanğın baş verib. Gəmidə olan 20 ekipaj üzvünün hamısı təxliyə edilib.

NTV-nin məlumatına görə, şənbə günü səhər məlum olub ki, "Virat" tankeri yeni hücum nəticəsində gövdəsində kiçik zədələr alıb. Bu zərər pilotsuz dəniz aparatlarının hücumu ilə əlaqələndirilir.

-------

23:26

Qaradənizdə Rusiyanın Novorossiysk limanına doğru hərəkət edən Kairos adlı tankerdə naməlum səbəbdən partlayış baş verib. Gəmidə olan 25 nəfərlik heyət təxliyə edilərək sahilə çıxarılıb və ehtiyat tədbiri olaraq xəstəxanaya yerləşdirilib. Kocaeli Valisi İlhami Aktaş tankerdəki yanğının davam etdiyini açıqlayıb.

meqale.com xəbər verir ki, Qaradənizdə VIRAT adlı başqa bir tankerin zərbə aldığı bildirilib. Gəmidə olan 20 nəfərin vəziyyətinin yaxşı olduğu, lakin maşın şöbəsində qatı tüstü müşahidə edildiyi açıqlanıb.

Qaradənizdə, İstanbul Türkeli Fenerindən təxminən 52 mil məsafədə yerləşən Kairos adlı 274 metr uzunluğundakı tankerdə partlayış və yanğın baş verib. Hadisə ilə bağlı bölgəyə axtarış-xilasetmə qrupları göndərilib.

Tankerin batma riski olduğu bildirilib. Sahilə çıxarılan heyətin vəziyyətinin yaxşı olduğu, lakin xəstəxanaya müşahidə üçün aparıldığı açıqlanıb.

Reuters agentliyi tankerin dəniz minasına dəyə biləcəyi ehtimalını irəli sürüb və alovlanan gəminin batma təhlükəsinin olduğunu bildirib.