Həkim olmayan şəxslərin botoksu fəlakət gətirir - ölüm riski...
"Gözəlləşmə" adı ilə edilən qeyri-peşəkar botoks prosedurları son dövrlərdə ciddi təhlükə mənbəyinə çevrilib. Dermatoloqlar xəbərdarlıq edirlər ki, həkim olmayan şəxslərin tətbiq etdiyi botoksda istifadə olunan saxta toksinlər insan həyatını riskə atır və ağır fəsadlara səbəb ola bilər.
Moderator
Noyabr 29, 2025 02:00
0
0
"Gözəlləşmə" adı ilə edilən qeyri-peşəkar botoks prosedurları son dövrlərdə ciddi təhlükə mənbəyinə çevrilib. Dermatoloqlar xəbərdarlıq edirlər ki, həkim olmayan şəxslərin tətbiq etdiyi botoksda istifadə olunan saxta toksinlər insan həyatını riskə atır və ağır fəsadlara səbəb ola bilər.
meqale.com-ın məlumatına görə, dermatologiya üzrə mütəxəssis Məhəmməd Burak Yücel bildirib ki, son illərdə botoks və dolğu prosedurlarına tələbatın artması bu sahədə qeyri-qanuni fəaliyyətlərin çoxalmasına yol açıb. Onun sözlərinə görə, ən böyük təhlükə saxta toksinlərin tərkibinin naməlum olmasıdır:
"Toksin tətbiqləri mimik qırışların qarşısını almaq üçün müəyyən əzələ qruplarına injeksiya edilir. Türkiyədə rəsmi olaraq dörd təsdiqlənmiş toksin mövcuddur. Lakin qeyri-rəsmi yerlərdə istifadə olunan saxta məhsulların nə tərkibi, nə də steril şəraiti məlumdur. Bu səbəbdən nəticələr çox vaxt gözlənilməz olur," - deyə Yücel vurğulayıb.
Mütəxəssis qeyd edir ki, saxta məhsullarla edilən protzedurlar müxtəlif risklər doğurur:
"Ən yüngül nəticə odur ki, toksin heç bir təsir göstərmir. Amma steril şəraitin pozulması vəziyyəti ağırlaşdırır: tətbiq yerində infeksiyalar, hətta toxuma itkisinə qədər gedən ağırlaşmalar müşahidə oluna bilər."
Yücelin sözlərinə görə, ən qorxulu risk botulizmdir, orqanizmdə sinir sistemini iflic edən və nəfəs çatışmazlığına qədər aparan olduqca təhlükəli vəziyyət:
"Botulizm son dövrlərdə daha çox qeydə alınır. Həkim olmayan şəxslərin sayının artması və saxta toksinlərin yayılması bunun əsas səbəbidir. Bu vəziyyət insanı reanimasiyaya qədər aparır".
O əlavə edib ki, saxta toksinlə edilən botoks bəzən ölümcül nəticə doğura bilər:
"Ən kritik əlamətlər tətbiqdən 2-3 həftə sonra meydana çıxır. Əvvəlcə bulanıq və ikili görmə başlaya bilər, sonra nitqin pozulması, udqunma çətinliyi yaranır. Son mərhələdə isə nəfəs darlığı inkişaf edir və xəstə süni tənəffüsə qoşula bilər. Belə hallarda müalicə uzun sürür və toksinin bədəndən təmizlənməsi ayrıca proses tələb edir," - deyə həkim bildirib.
Yücel sonda vətəndaşlara çağırış edib:
"Saxta botoks, sözün əsl mənasında, ölüm saçır. Ona görə də yalnız etibarlı klinikalara müraciət etmək və proseduru mütəxəssis həkimə etdirmək həyati əhəmiyyət daşıyır".
meqale.com-ın məlumatına görə, dermatologiya üzrə mütəxəssis Məhəmməd Burak Yücel bildirib ki, son illərdə botoks və dolğu prosedurlarına tələbatın artması bu sahədə qeyri-qanuni fəaliyyətlərin çoxalmasına yol açıb. Onun sözlərinə görə, ən böyük təhlükə saxta toksinlərin tərkibinin naməlum olmasıdır:
"Toksin tətbiqləri mimik qırışların qarşısını almaq üçün müəyyən əzələ qruplarına injeksiya edilir. Türkiyədə rəsmi olaraq dörd təsdiqlənmiş toksin mövcuddur. Lakin qeyri-rəsmi yerlərdə istifadə olunan saxta məhsulların nə tərkibi, nə də steril şəraiti məlumdur. Bu səbəbdən nəticələr çox vaxt gözlənilməz olur," - deyə Yücel vurğulayıb.
Mütəxəssis qeyd edir ki, saxta məhsullarla edilən protzedurlar müxtəlif risklər doğurur:
"Ən yüngül nəticə odur ki, toksin heç bir təsir göstərmir. Amma steril şəraitin pozulması vəziyyəti ağırlaşdırır: tətbiq yerində infeksiyalar, hətta toxuma itkisinə qədər gedən ağırlaşmalar müşahidə oluna bilər."
Yücelin sözlərinə görə, ən qorxulu risk botulizmdir, orqanizmdə sinir sistemini iflic edən və nəfəs çatışmazlığına qədər aparan olduqca təhlükəli vəziyyət:
"Botulizm son dövrlərdə daha çox qeydə alınır. Həkim olmayan şəxslərin sayının artması və saxta toksinlərin yayılması bunun əsas səbəbidir. Bu vəziyyət insanı reanimasiyaya qədər aparır".
O əlavə edib ki, saxta toksinlə edilən botoks bəzən ölümcül nəticə doğura bilər:
"Ən kritik əlamətlər tətbiqdən 2-3 həftə sonra meydana çıxır. Əvvəlcə bulanıq və ikili görmə başlaya bilər, sonra nitqin pozulması, udqunma çətinliyi yaranır. Son mərhələdə isə nəfəs darlığı inkişaf edir və xəstə süni tənəffüsə qoşula bilər. Belə hallarda müalicə uzun sürür və toksinin bədəndən təmizlənməsi ayrıca proses tələb edir," - deyə həkim bildirib.
Yücel sonda vətəndaşlara çağırış edib:
"Saxta botoks, sözün əsl mənasında, ölüm saçır. Ona görə də yalnız etibarlı klinikalara müraciət etmək və proseduru mütəxəssis həkimə etdirmək həyati əhəmiyyət daşıyır".
